ریاست مہاراشٹر کے مسلم اکثریتی شہر مالیگاؤں میں کولکاتا بجلی کمپنی کے خلاف راشٹروادی کانگریس پارٹی مالیگاؤں ضلع صدر آصف شیخ کی قیادت میں درجنوں کارکنان نے پاور ہاؤس آفس کے سامنے احتجاج کیا اور کمپنی کے خلاف جم کر نعرے بازی کی، جب کہ بجلی صارفین نے کمپنی کے سی ای او کو اپنی شکایت درج کرائی۔ Protest Against Private Electricity Company
اس موقع پر آصف شیخ نے کہا کہ جس دن سے شہر مالیگاؤں کو بجلی فراہم کی ذمہ داری کولکاتا بجلی کمپنی کے سپرد کی گئی ہے تبھی سے شہر کی غریب عوام، دکاندار اور بنکر کمپنی کی دادا گیری سے پریشان ہیں۔
انہوں نے کہا کہ' بجلی کمپنی بلوں کی وصولی اور جرمانہ کی کارروائی سے قبل شہریان کو سہولیات فراہم کریں اور رات میں بجلی کمپنی کا اسکواڈ مکانوں، کارخانوں اور کاروباری املاک پر چھاپہ ماری کرنا بند کرے۔ انہوں نے مزید کہا کہ بجلی کمپنی پولیس کے تعاون سے شہر میں دہشت پھیلا رہی ہے۔ ایسے میں شہر کا لاء اینڈ آرڈر خراب ہوتا ہے تو اس کی ذمہ دار بجلی کمپنی اور پولیس انتظامیہ ہوگئی۔'
آصف شیخ نے کہا کہ بجلی کمپنی ایگریمنٹ اور قانون کے مطابق عوام کو سہولیات فراہم کرے، ورنہ جس طرح گاندھی جی نے ایسٹ انڈیا کمپنی کے خلاف بھارت چھوڑو تحریک کا نعرہ دیا تھا اسی طرح ہم بھی بجلی کمپنی کے خلاف مالیگاؤں چھوڑو تحریک کا نعرہ دیں گے۔'
مزید پڑھیں:
