بی جے پی مہاراشٹر حکومت کے وزراء کو نشانہ بنارہی ہے: ملک

این سی پی کے قومی ترجمان نواب ملک نے کہا کہ اس بات کے شواہد موجود ہیں کہ فڑنویس اور بی جے پی رہنماؤں نے دہلی میں آئی پی ایس افسران اور ممبئی میں کچھ افسران سے ملاقات کی تھی۔ جس کے بعد سے مہاراشٹر میں مہا وکاس اگھاڑی (ایم وی اے) کے وزراء کو ای ڈی اور سی بی آئی کے ذریعے نشانہ بنایا جارہا ہے۔

نیشنلسٹ کانگریس پارٹی (این سی پی) کے چیف قومی ترجمان اور اقلیتی امور کے وزیر نواب ملک نے منگل کو الزام لگایا کہ بھارتیہ جنتا پارٹی کے لیڈر دیویندر فڑنویس کی دہلی میں آئی پی ایس (گزیٹڈ) افسران سے ملاقات کے بعد مہاراشٹر حکومت کے وزراء کو نشانہ بنایا جارہا ہے۔

اپنے بیان میں ملک نے واضح کیا ہے کہ اس بات کے شواہد موجود ہیں کہ فڑنویس اور بی جے پی رہنماؤں نے دہلی میں آئی پی ایس افسران اور ممبئی میں کچھ افسران سے ملاقات کی تھی۔

انہوں نے کہا کہ مہاراشٹر میں مہا وکاس اگھاڑی (ایم وی اے) کے وزراء کو ای ڈی اور سی بی آئی کے ذریعے نشانہ بنایا جارہا ہے۔ مرکزی حکومت ان ایجنسیوں کا غلط استعمال کررہی ہے۔

سپریم کورٹ نے ای ڈی اور سی بی آئی کے کام کاج پر بھی سوالات اٹھائے ہیں۔ ملک نے یہ اشارہ بھی دیا ہے کہ لوگ بی جے پی کی اس سیاست کو دیکھ رہے ہیں اور آنے والے وقت میں لوگ انہیں اس کا جواب دیں گے۔

یو این آئی