Actor Nawazuddin Siddiqui نوازالدین صدیقی اور سابق اہلیہ عالیہ ممبئی ہائی کورٹ پیش، عدالت کا بچوں کے ساتھ آنے کا حکم

بالی ووڈ اداکار نوازالدین صدیقی ایک عرصے سے سابق اہلیہ عالیہ کے ساتھ جاری تنازع کی وجہ سے سرخیوں میں ہیں۔ اداکار کی اہلیہ نے ان پر گھر سے نکالنے، کھانا نہ دینے، تشدد کرنے جیسے کئی سنگین الزامات لگائے ہیں۔ اب دونوں کے درمیان بچوں کی تحویل کے حوالے سے بھی مقدمہ چل رہا ہے جس کی آج سماعت ہوئی۔

اداکار نواز الدین صدیقی ان دنوں کسی نہ کسی تنازعہ کی وجہ سے مسلسل خبروں میں ہیں۔ اداکار کا اپنی سابقہ ​​اہلیہ عالیہ کے ساتھ جھگڑا بھی کسی سے مخفی اور پوشیدہ نہیں۔ عالیہ نے سوشل میڈیا پر کئی ویڈیوز پوسٹ کیے ہیں اور اپنے شوہر پر سنگین الزامات عائد کیے ہیں۔ اب دونوں کے درمیان بچوں کی تحویل کا معاملہ چل رہا ہے۔ نواز اور ان کی سابق اہلیہ کے درمیان بچوں کی تحویل سے متعلق کیس کی سماعت آج ممبئی ہائی کورٹ میں ہو گی۔ جسٹس ریوتی موہتے ڈیرے اور شرمیلا دیشمکھ کی بنچ اداکار اور ان کی سابق اہلیہ کے درمیان متنازعہ کیس کی سماعت کرے گی۔


کیس کی آخری سماعت 30 مارچ کو ہوئی تھی جس میں عدالت نے کہا تھا 'ہم بچوں کے لیے بہت فکر مند ہیں، اس لیے ہم اس معاملے کو پرامن اور خوش اسلوبی سے حل کرنے کی کوشش کر رہے ہیں۔ سماعت کے دوران عدالت نے نواز الدین صدیقی سے پوچھا اور عالیہ کو بھی حکم دیا گیا کہ وہ اپنے دونوں نابالغ بچوں کو بھی عدالت میں لے آئیں یعنی آج عالیہ کو دونوں بچوں کے ساتھ عدالت میں پیش ہونا ہے۔

عالیہ نے سوشل میڈیا پر اپنی ایک ویڈیو شیئر کی تھی جس میں انہوں نے کہا تھا کہ وہ ہر حال میں اپنے بچوں کی تحویل چاہتی ہیں دوسری جانب نوازالدین کے وکیل کا کہنا ہے کہ اداکار کی جانب سے عالیہ کو کیس کے حل کے لیے خط بھیجا گیا تھا تاہم اب تک اداکار کی سابق اہلیہ کی جانب سے کوئی جواب موصول نہیں ہوا۔