Death Threat To PM Modi وزیر اعظم نریندر مودی کو جان سے مارنے کی دھمکی

ممبئی پولیس نے دعویٰ کیا کہ انڈر ورلڈ ڈان داؤد کے گروہ کے اراکین کی جانب سے وزیر اعظم مودی کو جان سے مارنے کی دھمکیاں ملی ہیں۔ Death Threat To PM Modi

ممبئی: وزیر اعظم نریندر مودی کو داؤد گینگ کے اراکین کی جانب سے جان سے مارنے کی دھمکیاں موصول ہوئی ہیں۔ یہ دعویٰ ممبئی پولیس نے کیا ہے۔ ممبئی پولیس کو اطلاع ملی ہے کہ انڈر ورلڈ ڈان داؤد کے گروہ کے اراکین وزیر اعظم مودی کے قتل کی سازش کر رہے ہیں۔ ٹریفک پولیس کے نمبر پر یہ بتاتے ہوئے ایک آڈیو پیغام موصول ہوا ہے۔ جس کے بعد ممبئی پولیس الرٹ ہوگئی اور تحقیقات شروع کردی ہے۔

اس سے پہلے اپریل میں وزیر اعظم نریندر مودی کو جان سے مارنے کی دھمکیاں ملی تھیں۔ ممبئی میں این آئی اے برانچ میں اس سلسلے میں ایک میل موصول ہوا تھا۔ معلوم ہوا کہ میلر کے پاس 20 کلو آر ڈی ایکس تیار تھا اور وہ 20 لاکھ لوگوں کو مارنے کا منصوبہ بنا رہا تھا۔ یہ میل اپریل کے مہینے میں ممبئی کے دفتر میں موصول ہوا تھا۔ Death Threat To PM Modi

ممبئی پولیس گزشتہ چند ماہ سے دھمکی آمیز کالز اور پیغامات موصول ہونے کے بعد الرٹ ہوگئی ہے۔ چند ماہ قبل ممبئی پولیس کے ٹریفک ڈپارٹمنٹ کو پاکستان سے دہشت گردانہ حملے کا میسیج ملا تھا۔ جس کے بعد مغربی مضافات میں ایک ہوٹل کو بم سے اڑانے کی دھمکی دی گئی تھی۔ Death Threat To PM Modi