ریاست مہاراشٹر کے ضلع ناسک کے شہر مالیگاؤں کے معروف ملی ادارہ 'کل جماعتی تنظیم' کے رکن مولاناعبدالباری نے عدالت عظمیٰ کےاس فیصلے پر اپنے خیالات کا اظہار کیا جو ایودھیا تنازع کےسلسلےمیں آیا تھا۔
انہوں نے کہا کہ بابری مسجد ملکیت کے مقدمہ کا فیصلہ سپریم کورٹ نے دے دیا اور مسجد کے لیے پانچ ایکڑ کی متبادل جگہ دینے کا حکم بھی دیا۔
'مسلمان سپریم کورٹ کے فیصلہ سے سبق لیں' انہوں نے کہا کہ ہمیں مسجد کے لیے دوسری جگہ ایک انچ بھی زمین نہیں چاہئے۔
شیخ الحدیث حضرت مولانا عبدالباری نے ای ٹی وی بھارت پر دئے گئے ہیں بیان میں کہا کہ ملک کے مسلمانوں کو عدالت عظمیٰ کے اس فیصلہ سے سبق حاصل کرنا چاہئے اور ملک تمام مساجد و مدارس کو آباد کرنا چاہئے۔
خیال رہے کہ کل جماعتی تنظیم مالیگاؤں کا ایک ایسا ادارہ ہے، جو علاقے کے مسلمانوں کے ملی و سماجی مسائل کے ازالہ کے لیے پیش پیش رہتا ہے۔
