اورنگ آباد: حیدرآباد میں طلبا پر مقدمہ درج کیے جانے کی مذمت

ریاست مہاراشٹر کے شہر اورنگ آباد میں مسلم نمائندہ کونسل کی جانب سے صدر جمہوریہ ہند کے نام کمشنر کو ایک میمورنڈم دیا۔

اس میمورنڈم میں سی اے اے اور این آر سی مظاہرے میں شامل طلبا کے خلاف حیدرآباد میں درج ایف آئی آر کو فوری طور پر واپس لینے کا مطالبہ کیا گیا ہے۔

سی اے اے این آر سی اور این پی آر کے خلاف حیدرآباد میں تحریک چلانے والے یونیورسٹی طلبا کے خلاف ایف آئی آر درج کیے جانے کی اورنگ آباد میں مسلم نمائندہ کونسل نے مذمت کی ہے اور اس اقدام کو جمہوری قدروں کا گلا گھونٹنے سے تعبیر کیا ہے ۔

اس سلسلے میں کمشنر کے توسط سے صدر جمہوریہ کو ایک مکتوب روانہ کیا جس میں فوری مقدمہ واپس لینے کی درخواست کی گئی ہے کونسل کا کہنا ہے کہ حکومت اپنے اختیارات کا غلط استعمال کررہی ہے۔