ڈاکٹرز و علمائے کرام نے اس احتجاجی مظاہرے میں بیٹھنے والوں کی حوصلہ افزائی کرتے ہوئے ان کی حمایت کا اعلان کیا اور ساتھ ہی شاہین باغ اور سبھی کے لیے دعائیں کی گئیں۔
ممبرا میں بھی شاہین باغ کی طرز پر بے مدت احتجاجی دھرنا جاری ہے جس کے دوسرے دن دیر رات تک عوام کا اژدہام نظر آیا۔
تمام مساجد و تنظیموں پر مبنی تنظیم مسلک اہلسنت والجماعت ممبرا کی جانب سے بھی تمام علمائے کرام و ائمہ مساجد کا ایک وفد سنجے نگر کی غوثیہ مسجد میں ظہر کی نماز میں یکجا ہوا اور یہاں سے پیدل ریلی کی شکل میں میک کمپنی پر پہنچے علمائے کرام کا انتطامیہ کی جانب سے استقبال کیا گیا۔
علمائے کرام نے مظاہرین کے جذبے کی داد دیتے ہوئے انھیں مباکباد دی اور مظاہرے کے منتظمین علماءنے دعاؤں سے نوازا۔
مظاہرے کے دوسرے دن ڈاکٹرز و علمائے کرام کی شرکت اس دوران سنی جامع مسجد ممبرا کے خطیب و امام قاری عطاءاللہ نے کہا کہ ملک اس قانون کے پہلے روز سے یعنی جب یہ بل تھا تب سے لیکر ایکٹ بننے تک پریشان ہے یہ قانون ملک کی گنگا جمنی تہذیب کو ملک کے اتحاد کو ملک کی بھائی چارگی کو ختم کرنے کے ساتھ ساتھ ایک مخصوص طبقہ کو ہراساں کرنے والا قانون ہے اس لئے اس پر احتجاج ہونا چاہیے'۔
اس دوران عمران جامعی سنی دعوت اسلامی نے بتایا کہ شاہین باغ اور ممبرا اور جہاں جہاں بھی مائیں، بہنیں احتجاج پر بیٹھی ہیں انھیں سلام اور آج ہم بھی پوری جماعت کے ساتھ یہاں آئےور یہ جتانا چاہتے ہیں کہ ہر انقلاب میں علمائے کرام پیش پیش تھے اور اس احتجاج میں بھی وہ آگے ہی رہیں گے۔
