ممبئی: سی اے اے کے خلاف خواتین کا احتجاج

شہریت ترمیمی قانون کے خلاف پورے ملک میں مسلسل احتجاج کا سلسلہ جاری ہے ، وہیں ممبئی میں بھی شاہین باغ کی طرز پر خواتین کا احتجاج جاری ہے۔

ریاست مہاراشٹر کے دارالحکومت ممبئی میں وای ایم سی گراؤنڈ میں شہریت ترمیمی ایکٹ اور این آر سی کے خلاف خواتین احتجاج کر رہی ہیں۔

احتجاج میں ہزاروں کی تعداد میں ممبئی میں خواتین شامل ہو رہی ہیں۔ احتجاج میں آئی خواتین کا کہنا ہے کہ ' شہریت ترمیمی قانون بھارت کے آئین کے خلاف ہے۔ حکومت کو چاہئے کہ اس قانون کو واپس لے لے۔ اس قانون کے خلاف پورے ملک میں لگاتار احتجاج ہو رہا ہے۔'

آپ کو بتاتے چلیں کہ حکومت نے جب سے اس قانون کو نافذ کیا ہے اس کے بعد سے ہی پورے ملک میں لوگ احتجاج کر رہے ہیں۔ ممبئی میں ہر دن دو سے تین جگہوں پر اس کے خلاف لوگ اپنا احتجاج درج کر رہے۔