دو ماہ امریکہ میں گزارنے اور اپنے شوز ختم کرنے کے بعد گیتا مالی نامی معروف مراٹھی گلوکارہ ممبئی لوٹی اور اپنے شوہر وجے مالی کے ساتھ کار سے اپنے آبائی وطن ناسک جارہی تھیں۔ اسی درمیان انکی کار تھانے کے شاہ پور کے نزدیک ایک ٹینکر سے ٹکرا گئی۔
اس حادثہ میں گیتا مالی شدید طور پر زخمی ہو گئیں، جس کے بعد انہیں نزدیک کے دیہی ہسپتال میں داخل کرایا گیا جہاں گلوکارہ کی موت ہوگئی۔ اس حادثہ کا سی سی ٹی وی فوٹیجسامنے آنے کے بعد یہ پورا حادثہ مشتبہ ہوگیا۔
سی سی ٹی وی فوٹیجمیں واضح طور سے دکھائی دے رہا ہے کہ تیز رفتار کار میں مراٹھی گلوکارہ گیتا مالی اور انکے شوہر وجے مالی کار ڈرائیو کررہے تھے۔ کار تیز-رفتاری سے ناسک کی طرف جارہی تھی تبھی شاہ پور کے نزدیک کار شاہراہ کے کنارے کھڑے کنٹینر سے ٹکرا گئی اور کار ڈرائیو کر رہے وجے حادثہ کے کچھ دیر بعد باہر نکتے ہیں اور وہ گیتا کہ طرف بھاگتے دکھائی پڑ رہے ہیں۔ سی سی ٹی وی فوٹیجکنٹینر کی ٹکر اور گیتا کی فوری علاج کے دوران ہونے والی موت کو مشکوک بنارہی ہے۔ شاہ پور پولیس اس حادثہ کی باریک بینی تفتیش کررہی ہے۔