ممبئی ٹریفک پولیس Mumbai Police Direction کے جوائنٹ سی پی راج وردھن سنہا نے ایک فرمان جاری کرتے ہوئے کہا ہے کہ پولیس جوان اپنی گاڑیوں پر پولیس نہ لکھوائیں اگر کسی گاڑی پر پولیس لکھا ہوا پایا گیا تو اُس کے خلاف کارروائی کی جائے گی۔
یاد رہے کہ یہ فرمان پولیس اہلکاروں کی ذاتی بائیک اور کار کے لیے ہے سرکاری گاڑیاں اس سے مستثنیٰ ہیں۔ Joint Commissioner of Police Direction ممبئی میں پولیس اہلکاروں کو ہدایت دی گئی ہے کہ وہ اپنی ذاتی سواریوں پر پولیس نہ لکھوائیں۔
اس سے پہلے 7 ستمبر 2015 کو ریاستی حکومت نے ایسا ہی ایک فرمان جاری کرتے ہوئے پولیس اہلکاروں کو اپنی پرائیویٹ گاڑیوں پر پولیس نہ لکھنے کا حکم دیا تھا۔ پولیس اہلکاروں کو سختی سے اُسے ہٹانے کے احکامات جاری کیے۔
محکمہ ٹریفک پولیس نے سنہ 2013 میں بھی یہ حکم نامہ جاری کیا تھا، ساتھ میں یہ بھی کہا گیا تھا اسٹائلش نمبر پلیٹ والی گاڑیاں بھی کارروائی کی زد میں ہوں گی۔
ممبئی پولیس نے گزشتہ دو ہفتوں کے دوران ہیلمٹ اور گاڑیوں کے حوالے سے جس طرح ایکشن مہم کو آگے بڑھایا ہے وہ قابل تعریف ہے عوام کے دل میں کاروائی کا خوف ضروری ہے۔
