ممبئی پولیس کی عوام سے امن برقرار رکھنے کی اپیل

ایودھیا تنازع پر سپریم کورٹ آج اس حساس ترین کیس پر تاریخی فیصلہ سنائے گا۔

سپریم کورٹ کے تاریخی فیصلے پر عوام سے امن برقرار رکھنے کی اپیل کی جارہی ہے وہیں ممبئی پولیس کی جانب سے بھی امن و امان قائم رکھنے کی اپیل کی گئی ہے۔

ممبئی کے ڈی سی پی اشوک پرنے نے کہا کہ سپریم کورٹ کا جو بھی فیصلہ آئے امن برقرار رکھیں، عوام کسی بھی قسم کی افواہوں پر دھیان نہ دیں۔

انہوں نے کہا کہ اگر کوئی بھی مسئلہ ہو تو ممبئی پولیس کو فون اور ٹوئٹر کے ذریعے بھی اطلاع کرسکتے ہیں۔انہوں نے مزید کہا کہ ممبئی پولیس آپ کی ہر ممکن مدد کے لیے تیار ہیں۔

انہوں نے مزید کہا کہ ہمیں امید ہیں کہ امن امان برقرار رہے گا۔