Black Marketing of Oil in Mumbai تیل کی کالابازاری روکنے کے لیے ممبئی پولیس کی کارروائی

بحیرہ عرب میں تیل کی کالابازاری پر روک لگانے کے لئے ممبئی پولیس نے اس غیر قانونی عمل میں ملوث ملزمین کی فہرست تیار کی ہے۔ Mumbai Police Action against Black Marketing of Oil

ممبئی:حال ہی میں بحیرہ عرب میں ممبئی پولیس کی ایک کارروائی کے دوران وجے لکشمی نام کی ایک بوٹ ضبط کی گئی، جس سے غیر قانونی طریقے سے حاصل کیے گئے ہزاروں لیٹر ڈیزل بھی برآمد کیا گیا۔ ممبئی پولیس کی اس کارروائی کے بعد یہ ثابت ہو گیا کہ ’’ممبئی میں بحیرہ عرب میں آئیل مافیا پھر سے سرگرم ہوگئے ہیں۔Mumbai Black Marketing of Oil

پورٹ زون کی ڈی سی پی گیتا چوان نے اس کارروائی کے بعد بحیرہ عرب میں کارروائی کرنے کے لئے آپریشن میں تیزی لائی ہے تاکہ بحیرہ عرب میں کسی بھی طرح کی غیر قانونی سرگرمی پر لگام لگائی جا سکے اور آئیل مافیاؤں پر قابو پایا جا سکے۔ اس بات کو مد نظر رکھتے ہوئے انہوں نے دس ایسے آئیل مافیاؤں کی فہرست تیار کی ہے جو طویل عرصے سے بحیرہ عرب میں تیل کی کالا بازاری میں ملوث ہیں لیکن ان دنوں وہ بہت ہی خفیہ طریقے سے اس گورکھ دھندھے کو انجام دے رہے ہیں۔

ای ٹی وی بھارت کے پاس اس فہرست کی کاپی موجود ہے۔ ان میں پہلے نمبر پر راج کشور عرف راجو پنڈت کا ذکر ہے۔ راجو کے علاوہ نیتن یشونت کولی،سبھاش کولی، صادق شیخ، زبیر خان، رفیق خان، سلیم شیخ، چھوٹو ورما، نور محمد عرف چھوٹا نورا، اکبر پنجارہ کے نام بھی شامل ہیں۔Mumbai Police Prepares List of people involved in Black Marketing of Oil

پورٹ زون کی ڈی سی پی گیتا چوان نے کہا کہ ’’ہماری کوشش یہی ہے کہ بحیرہ عرب میں گورکھ دھندھے پر کس طرح سے لگام لگائیں ہم نے اس لئے ان سب ملزمین کے خلاف کارروائی کرنے کے لئے انکی تفصیلات اکٹھا کر رہے ہیں۔ ان تفصیلات میں سب سے اہم ہے یہ ہے کہ وہ سارے ملزمین اس وقت کہاں ہیں کیا کررہے ہیں۔ بحیرہ عرب میں کیا وہ ابھی بھی سرگرم ہیں؟ اگر وہ اس گورکھ دھندھے میں فی الحال شامل نہیں ہیں تو کیا کررہے ہیں یہ ساری تفصیلات جاننے کے بعد ہم ان پر نظر رکھیںگے تاکہ اگر وہ ابھی بھی بحیرہ عرب میں غیر قانونی سرگرمیوں میں شامل ہیں تو ان پر روک لگائیں۔‘‘

بتا دیں کہ بحیرہ عرب میں طویل مدت سے غیر ملکی ویسل سے ڈیزل خرید کر اسے شہر ممبئی اور مچھواروں وغیرہ کے ذریعے سپلائی کرتے ہیں اس دوران کئی ایسے محکمے جو سمندر کی حفاظت کے لئے مامور ہیں انکی آنکھوں میں دھول جھونک کر یا ان کی جانکاری میں رہ کر تیل کی کالابازاری کرتے ہیں۔

مقامی پولیس تھانے یلو گیٹ کو بحیرہ عرب میں کارروائی کرنے کے لئے مامور کیا گیا ہے۔