Action Against Bangladeshi Citizens ممبئی میں غیرقانونی طور پر مقیم بنگلہ دیشی شہریوں کے خلاف کارروائی

ممبئی پولیس کی ایک خصوصی کارروائی کے دوران مختلف علاقوں میں غیرقانونی طریقے سے مقیم بنگلہ دیشیوں کے خلاف قانونی کارروائی کرنے کے بعد 37 بنگلہ دیشیوں کو گرفتار کیا گیا ہے۔ ممبئی پولیس نے اس معاملے میں کل 22 ایف آئی آر درج کی ہیں۔

ممبئی: ممبئی پولیس کے سنٹرل ریجن کے ایڈیشنل کمشنر انل کمہارے نے بتایا کہ رواں برس 21 مارچ سے 9 اپریل کے تک اس خفیہ آپریشن میں ممبئی کے کئی تھانوں کے اینٹی ٹیررسٹ سیل کے کئی افسران شامل تھے۔ کمہارے نے بتایا کہ انٹلیجنس بیورو کی جانب سے ممبئی پولیس کو یہ خفیہ جانکاری ملی تھی کہ ممبئی کے متعد علاقوں میں بنگلہ دیشی غیرقانونی طریقے سے مقیم ہیں۔ یہی نہیں وہ یہاں رہ کر اپنے دستاویز یہیں سے بنوا کر خود کو بھارتی شہری کے طور پر پیش کرتے ہیں۔ اس کے بعد وہ بھارت کے شہری ہونے کی فہرست میں شمولیت اختیار کرتے ہیں۔

انہوں نے بتایا کہ بھارتی شہریوں کی طرح غیرقانونی طریقے سے ممبئی میں رہنے والے بنگلہ دیشی بھی تمام تر سہولیات کا فائدہ اٹھاتے ہیں۔ ان کا کہنا ہے کہ ممبئی کے ساحلی علاقے جن میں مجگاؤں داروخانه ،ورلی شیوڑی علاقے میں بڑے پیمانے پر بنگلہ دیشی مقیم ہیں جن کے خلاف اس خفیہ آپریشن کے دوران ہی کارروائی کی گئی ہے۔اس سے پہلے مہارشٹر اے ٹی ایس کے ذریعہ ممبئی اور ممبئی سے متصل تھانے علاقے میں اسی طرح سے ایک خفیہ آپریشن کے دوران کارروائی کی گئی تھی۔

اس کارروائی میں اس بات کا سنسنی خیز خلاصہ ہوا تھا کہ بنگلہ دیشی بڑے پیمانے پر یہاں مقیم ہیں کارروائی میں یہ بات سامنے آئی تھی کہ تھانے ضلع کے ممبرا علاقے میں کئی ایسے بنگلہ دیشی مقیم ہیں۔ جنہوں نے نہ صرف بھارت میں رہکر یہاں سے نہ صرف اپنے دستاویز بنائے بلکہ انکی مدد سے بھارتی پاسپورٹ بھی بنائے ۔اس کام میں ممبرا پولیس تھانے کے کچھ افسران بھی شامل تھے۔ مہارشٹر اے ٹی ایس نے ان پولیس افسران کے خلاف بھی کارروائی کرتے ہوئے انکے بیانات قلمبند کے تھے۔