ممبئی: ڈرگس معاملے میں 3 افراد گرفتار

این سی بی کی مانیں تو یہ ملزمین مسلم اکثریتی علاقے محمد علی روڈ کے اطراف میں رہنے والے منشیات کے عادی نوجوانوں کو منشیات سپلائی کرتے تھے۔

ریاست مہاراشٹر کے دارالحکومت ممبئی میں نارکوٹکس کنٹرول بیورو نے ڈرگس مافیا چنٹو پٹھان کے قریبی سونو پٹھان کو پایدونی علاقے سے گرفتار کیا ہے۔ چنٹو پٹھان کو گرفتاری کے بعد این سی بی لگاتار اس سے تفتیش کر رہی تھی۔ جس میں اس بات کا انکشاف ہوا تھا کہ چنٹو پٹھان کے ساتھ سونو پٹھان بھی اس گورکھ دھندے میں ملوث ہے۔

وہیں دوسری جانب محمد علی روڈ سے ایک ملزم کو این سی بی نے منشیات کے ساتھ گرفتار کیا ہے۔ تفتیش کے بعد اس کا نام آصف اقبال بتایا گیا ہے مزید اس بات کا انکشاف ہوا ہے کہ ملزم آصف اقبال کا دوسرا ساتھی پرنو شاہ ہے جسے ممبئی کے بوریولی علاقے سے گرفتار کیا گیا ہے۔

این سی بی کی مانیں تو یہ دونوں ملزمین مسلم اکثریتی علاقے محمد علی روڈ کے اطراف میں رہنے والے منشیات کے عادی نوجوانوں کو منشیات سپلائی کرتے تھے۔ چنٹو پٹھان وہی ہیں جسے ممبئی کے اسی علاقے سے گرفتارِ کیا گیا تھا۔

تفتیش کا دائرہ سخت ہوا تو کئی گرفتاریاں عمل میں آئی ہیں۔ ان میں ایک گرفتاری اقراء نام کی اس لڑکی کی ہوئی جو ممبئی اور دوسرے علاقے میں لڑکیوں کے ساتھ مل کر منشیات کا کاروبار کرتی تھی۔