ممبئی: مسلم علاقوں میں ٹریفک سے نجات کیلئے حدود مقرر

کارپوریٹر جاوید جنیجا نے مقامی لوگوں کی مدد سے پارکنگ کے لیے حدود مقرر کرنے کا کام شروع کیا ہے۔ مقامی لوگوں کا کہنا ہے کہ اس عمل سے علاقے میں ٹریفک کا مسئلہ ختم ہوتا دکھائی دے رہا ہے۔

شور شرابہ، تنگ گلیاں، مخدوش عمارتیں، ٹرافک کا مسئلہ یہ شناخت ہے ممبئی کے گنجان آبادی والے مسلم علاقوں کی جہاں ہنگامی صورت حال میں نہ تو ایمبولینس کے لئے راستہ ہے نہ ہی فائر عملہ کو جائے واردات تک پہنچنے کے کے لئے جگہ ہے۔

ممبئی کے ناگپاڈہ علاقے کی تنگ گلیوں میں سڑکوں پر اس طرح سے بائکز کھڑی رہتی ہے کہ یہاں چار پہیا گاڑی سے آنے والے لوگ پناہ مانگتے ہیں۔ اگر کوئی فور وہیلر پر آگیا تو اسے یہاں سے نکلنے میں بہت مشکل ہوتی ہے۔

ان حالات پرقابو پانےکے لئے یہاں کے کارپوریٹر جاوید جنیجا نے مقامی لوگوں کی مدد سے اب پارکنگ کو لیکر حدود مقرر کرنے کا کام شروع کیا ہے۔کام بہت چھوٹا ہے مگر ٹرافک پر قابو پانے کا یہ ایک مؤثر ہتھیار ہے۔

پارکنگ حدود کے ذریه علاقے کے لوگوں کو اب یہ تنبیہ کی گئی ہے کہ وہ اپنی گاڑیاں ایک نظام کے تحت اس مقررہ حدود میں لگائیں تاکہ بیچ کی روڈ خالی رہی اور ٹرافک کا مسئلہ نہ پیدا ہو۔

سلمان قاضی کہتے ہیں کہ ہمیں اس ترکیب سے ایسا لگتا ہے کہ آنے والے وقت میں مسلم علاقوں میں اس تدبیر کے ذریعه ایک بدلاؤ آ سکتا ہے لیکن اس کے لیے ضروری ہے کہ ہم یعنی علاقے کے لوگ اس بدلاؤ کے لئے اپنا مزاج بنائیں تاکہ ہنگامی حالت میں انھیں جن مشکلات کا سامنا کرنا پڑتا ہے، اس کا ازالہ ہو۔