کورونا کا اثر: 'لال باغ کا راجا' کے درشن نہیں ہوں گے

ممبئی سمیت پورے ملک میں مشہور 'لال باغ چا راجا گنپتی منڈل' نے اعلان کیا ہے کہ کورونا وائرس اور لاک داؤن کے سبب اس برس گنپتی نہیں بٹھائی جائے گی۔

کورونا وائرس متاثرین کی تعداد مہاراشٹر میں سب سے زیادہ ہے اور اس تعداد میں روز بروز اضافہ ہوتا جا رہا ہے اس لیے مہاراشٹر کے دارالحکومت ممبئی کے ملک گیر شہرت یافتہ گنپتی 'لال باغ کا راجا' گنیش منڈل نے گنپتی کا تہوار نہ منانے کا اعلان کیا ہے۔

بشکریہ ٹویٹر

لال باغ چا راجا گنیش اتسو منڈل نے اعلان کیا کہ 'کورونا وائرس کے سبب اس برس گنیش اتسو نہیں منائیں گی بلکہ بلڈ ڈونیشن اور پلازمہ ڈونیشن کیمپ کا انعقاد کیا جائے گا۔

واضح رہے کہ 'لال باغ کا راجا' گنپتی پورے ملک میں مشہور ہے اور یہاں پر لاکھوں کی تعداد میں عقیدت مند آتے ہیں لیکن اس بار ان عقیدت مندوں کو مایوسی کاسامنا کرنا پڑےگا۔

اس کے علاوہ 'لال باغ کا راجا' گنپتی اپنے اسٹیج تھیم کے لیے بھی کافی مشہور ہے اور ہر سال منفرد انداز میں اسٹیج تیار کیا جاتا ہے جو ہر کسی کی توجہ کا مرکز ہوتا ہے