ممبئی: قربانی کوآرڈینیشن کمیٹی کی تشکیل

گذشتہ برس کی طرح رواں برس عالمی وبا کورونا وائرس اور قربانی کے جانوروں کو لیکرعوام کو پریشانیوں سے نجات دلانے کے پیش نظر قربانی کوآرڈینیشن کمیٹی کی تشکیل دی گئی ہے، تاکہ کاروباریوں سے لیکر عام مسلمان تک کسی کو پریشانیوں کا شکار نہ ہونا پڑے۔

قربانی کوآرڈینیشن کمیٹی کے کارکن سلیم سارنگ نے کہا کہ فی الحال کسی طرح کی پریشانیوں کا سامنا تو نہیں ہے، تاہم عید الاضحی کے آمد کے پیش نظر کسی طرح کی پرشانیوں کا سامنا نہ کرنا پڑے، اس لیے حکومت قربانی کے جانوروں کے لئے روایتی بازار بنائے۔

انہوں نے مزید کہا کہ اب روایتی بازاروں کا قیام گلی کوچوں اور محلوں میں ہو۔

ان بازاروں کے قیام سے یہ فائدہ ہوگا کہ منڈیوں میں بھیڑ کم ہو جائیگی۔ اور بھیڑ ختم ہونے سے کورونا کا خطرہ کسی حد تک ٹل سکتا ہے۔

قربانی کوآرڈینیشن کمیٹی کے کارکن کی ای ٹی وی بھارت کے نمائندہ سے خاص بات چیت