مہاراشٹر: لاکھوں روپے مالیت کا ہینڈ سینیٹائیزر ضبط

ریاست مہاراشٹر کے دارالحکومت ممبئی کی کرائم برانچ نے زائد قیمت پر ہینڈ سینیٹائیزر فروخت کرنے والے تین افراد کو 5 ہزار سینیٹائیزر کی بوتلوں سمیت گرفتار کیا ہے۔

ممبئی کرائم برانچ نے بڑی کاروائی کرتے ہوئے ممبئی کے ماہم علاقے سے تین افراد کو تقریباً ڈھائی لاکھ روپے مالیت کے ہینڈ سینیٹائیزر کے ساتھ گرفتار کیا ہے۔

پولیس نے بتایا کہ یہ تینوں افراد سینیٹائیزر کو طے شدہ قیمت سے زیادہ قیمت پر فروخت کر رہے تھے۔

پولیس نے ان کے قبضے سے تقریباً پانچ ہزار سینیٹائیزر کی بوتلیں برآمد کی ہیں، کرائم برانچ نے یہ کاروائی کورونا وائرس کے پیش نظر اشیائے ضروریہ کی قیمتوں میں اضافہ کے تحت چلائی جانے والی مہم کے دوران کی ہے۔

واضح رہے کہ بھارت میں کورونا وائرس کے اب تک آٹھ سو سے زائد مریضوں کی تشخیص ہوئی ہے جبکہ اس جان لیوا وائرس سے 19 افراد ہلاک ہوچکے ہیں۔