ممبئی: آن لائن بینکنگ کے ذریعے دھوکہ دینے والا شخص گرفتار

ممبئی کرائم برانچ نے ایک ایسے شخص کو گرفتار کیا ہے جو آن لائن بیکنگ کے نام پر لوگوں کو چونا لگاتا تھا۔

ممبئی کرائم برانچ نے دعوی کیا ہے کہ انہوں نے ایک شخص کو گرفتار کیا ہے جو ممبئی اور ممبئی سے متصل کئی علاقوں میں آن لائن بینکنگ کے ذریعے لوگوں کو طویل عرصے سے دھوکہ دے کر پیسے اینٹھتا تھا۔

ممبئی کرائم برانچ کی گرفت میں آئے اس شخص نے لوگوں کو ٹھگنے کے لیے موبائیل ایپ کا سہارا لیا۔

اس موبائیل ایپ کے ذریعے ایک جویلری شاپ سے پانچ لاکھ سے زائد کی مالیت کے زیورات خریدے، لیکن جب پیسے دینے کا وقت آیا تو اس نے موبائل سے پیسے ٹرانسفر کر نے اور ثبوت کے طور پر دکاندار کو اس کے اکاؤنٹ میں پیسے ٹرانسفر ہونے کا دکھا دیا۔

پیسے ٹرانسفر ہونے کا میسیج آنے کے باوجود جویلرس کو پیسے نہیں ملے جس کے بعد انہوں نے ممبئی کے ماہم اور مانخورد پولیس اسٹیشن میں اس کی شکایت درج کرائی۔

شکایت درج ہونے کے بعد پولیس حرکت میں آئی اور اس نے دھوکے باز کو گرفتار کر لیا۔

تفصیلات کے مطابق ملزم پیشے سے خود کو بلڈر بتاتا تھا جس کی وجہ سے لوگ اس کی باتوں میں آ کر اس پر بھروسہ کر لیتے اور اسے سامان دے دیتے تھے۔

خریداری کے بعد بھی لیکن کئی دن گزر جانے کے بعد بھی جب دوکاندار کے اکاؤنٹ میں پیسے نہیں پہنچتے تھے تب انہیں اس بات کا اندازہ ہوتا تھا کہ ان کے ساتھ دھوکہ دہی ہوئی ہے۔

تفتیش کے دوران پولیس کو پتہ چلا کہ ملزم کئی دنوں سے اس طرح کی دھوکہ کے کام انجام دے رہا ہے اور وہ ممبئی، تھانے، پالگھر اور وسئی علاقوں میں بھی اسی طرز پر سینکڑوں لوگوں کو کروڑوں روہے کا چونا لگا چکا ہے۔

پولیس اب اس بات کا پتہ لگانےکی کوشش کر رہی ہے کہ اس کے خلاف اور کہاں کہاں معاملے درج ہیں۔