ابو عاصم اعظمی کا مالیگاؤں کے عوام کو پیغام

سماج وادی پارٹی کے رہنما اور رکن اسمبلی ابو عاصم اعظمی نے کہا کہ 'رمضان المبارک کی عبادات کا اہتمام گھروں پر ہی کریں۔ علماء و عمائدین کی رہنمائی میں کورونا وائرس سے بچنے کے لیے احتیاطی تدابیر اختیار کریں۔'

ریاست مہاراشٹر کے مسلم اکثریتی شہر مالیگاؤں میں کورونا وائرس کے مریضوں کی تعداد 116 ہوچکی ہے اور اب تک 10 مریضوں کی موت بھی واقع ہوگئی ہے۔

کورونا وائرس کے بحران اور ماہ رمضان المبارک کی آمد کے سلسلے میں سماج وادی پارٹی کے رہنما اور ممبئی کے مانخورد شیواجی نگر حلقے سے رکن اسمبلی ابو اعظمی نے مسلمانوں سے اپیل کی۔

ابو عاصم اعظمی نے کہا کہ رمضان المبارک کی عبادات کا اہتمام بھی گھروں پر ہی کریں. علماء و عمائدین کی رہنمائی میں کورونا وائرس سے بچنے کیلئے احتیاطی تدابیر اختیار کریں۔

مالیگاؤں شہر میں کورونا وائرس جس طرح پھیل رہا ہے. اسے روکنے کیلئے قربانی دینی ہونگی جیسے ہمارے آبا و اجداد نے ملک کی بقاء و آزادی کیلئے دی تھی۔ آج ہمیں ہمارے مستقبل, قوم و ملت اور ملک کی بقاء کیلئے پھر سے قربانی دینی ہے اور گھروں میں ہی رہنا ہے. انھوں نے کہا کہ آج ہمارا گھر میں رہنا ہی سب سے بڑی قربانی ہے.