ریاست مہاراشٹر کے دارالحکومت ممبئی اور مضافاتی علاقوں میں پی ایم سی بینک کی شاخ تھانے، بھیونڈی اور الہاس نگر سمیت دوسرے شہروں میں بھی ہے۔
آر بی آئی کے ذریعہ پابندی عائد ہونے کی اطلاع عام ہوتے ہی شہریوں میں شدید بے چینی و اضطراب کا ماحول پیدا ہوگیا۔
صبح 10 بجے سے ہی بینک کی مقامی شاخوں پر اکاؤنٹ ہولڈرز کا ہجوم اور طویل قطاریں لگی ہوئی ہیں لیکن وہ ایک ہزار سے زیادہ نقدی نہیں نکال سکتے ہے اور اس طرح کی پابندی 6 ماہ تک جاری رہے گی اور قرض و دیگر سہولیات پر بھی پابندی ہے،
مہاراشٹر کے دارالحکومت ممبئی سے متصل شہر الہاس نگر کیمپ نمبر تین میں واقع پی ایم سی بینک پر پابندی عائد ہونے کے بعد برانچ میں اکاؤنٹ ہولڈرز کا ہجوم لگ گیا نیز افرا تفری اور دھکا مکی بھی ہوئی جس کی وجہ سے ایک معمر خاتون بے ہوش ہوگئی۔
وہیں دوسری جانب بھیونڈی کے کالہیر میں واقع برانچ پر بھی اکاؤنٹ ہولڈرز کا زبردست ہجوم تھا اور جن اکاؤنٹ ہولڈرز کو زیادہ پیسوں کی ضرورت تھی انہیں مایوسی ہاتھ لگی جبکہ بینک کے باہر اور اندر کھاتا داروں کی جمع ہونے والے ہجوم نے نوٹ بندی کے بعد پیدا ہونے والی صورتحال کی یاد کو تازہ کردیا ہے۔
