MP Sanjay Raut Reaction شرد پوار مہاراشٹر سیاست کی جان ہیں: سنجے راؤت

شیو سینا (اودھو گروپ ) کے رکن پارلیمان اور تجربہ کار سیاسی رہنما سنجے راؤت نے شرد پوار کے سیاست سے ریٹائرمنٹ پر کہاکہ وہ (شرد پوار) مہاراشٹر کی سیاست کی جان ہے۔ ہم سب نے انہیں دیکھ کر سیاست سکھی ہیں۔ وہ ایک کامیاب سیاسی رہنما ہیں۔

ممبئی: تجربہ کار سیاسی رہنما اور این سی پی کے سربراہ شرد پوار کے سیاست سے ریٹائرمنٹ کے بعد ریاست مہاراشٹر کی سیاست میں طوفان برپا ہے۔ اس دوران شیو سینا (اودھو گروپ ) کے رکن پارلیمان اور تجربہ کار سیاسی رہنما سنجے راؤت نے شرد پوار ٰکے سلسلے بال ٹھاکرے سے متعلق ایک کہانی سنائی ہے۔ سنجے راؤت نے کہا کہ شرد پوار کی طرح ایک بار بالا صاحب ٹھاکرے نے بھی نفرت کی سیاست سے دور ہونے کے لئے استعفیٰ دے دیا تھا لیکن بال ٹھاکرے نے اہل خانہ اور شیوسینکوں کے جذبات کو دیکھتے ہوئے اپنا استعفیٰ واپس لے لیا تھا۔

انہوں نے کہاکہ یہ 1992 کی بات ہے جب شیو سینا لیڈر مادھودیش پانڈے نے ٹھاکرے خاندان پر الزامات لگائے تھے۔ اس کے بعد بال ٹھاکرے نے کہا تھا کہ وہ پورے خاندان کے ساتھ پارٹی چھوڑنے جا رہے ہیں۔ دیش پانڈے نے اس وقت راج اور ادھو ٹھاکرے پر پارٹی میں مداخلت کا الزام لگایا تھا جس کے بعد بال ٹھاکرے نے خاندان پر الزامات کی وجہ سے استعفیٰ دے دیا تھا جس کے بعد تمام شیوسینک بال ٹھاکرے کی حمایت میں سڑک پر اتر آئے۔

سنجے راؤت شرد پوار کو سیاست کا لوہا مانتے ہوئے ان کے قد کا احترام کرتے ہوئے دیکھے گئے ہیں۔ اس سے پہلے سنجے راوت کئی بار کہہ چکے ہیں کہ این سی پی میں سب کچھ ٹھیک نہیں چل رہا ہے۔ انہوں نے کہا تھا کہ پوار نے خود بھی انہیں اس کی اطلاع دی تھی۔ راؤت نے پچھلے کچھ وقت میں اس بارے میں بیان دیا ہے کہ این سی پی میں بڑا الٹ پلٹ دیکھنے کو مل سکتا ہے۔