MIM MLA Visit in Malegaon رکن اسمبلی مفتی محمد اسماعیل قاسمی کا فلٹر پلانٹ کا ہنگامی دورہ

ریاست مہاراشٹر کے مسلم اکثریتی شہر مالیگاؤں میں رکن اسمبلی مفتی محمد اسماعیل آلودہ پانی کی فراہمی پر کہا کہ اگر ایک ہفتے کے اندر یہ مسئلہ حل نہیں کیا گیا تو عوامی تحریک چلائی جائے گی۔ Contaminated water in Malegaon city

مالیگاوں: مہاراشٹر کے مسلم اکثریتی شہر مالیگاؤں میں گذشتہ کچھ دنوں سے آلودہ پانی کی فراہمی کے سبب عوام شدید پریشان ہے۔ اس معاملے کو لیکر رکن اسمبلی مفتی محمد اسماعیل قاسمی نے فلٹر پلانٹ کا ہنگامی طور پر دورہ کیا اور افسران سے گفتگو کی۔ اس موقع پر رکن اسمبلی مفتی محمد اسماعیل قاسمی نے بتایا کہ مالیگاوں شہر میں ان دنوں پینے کے پانی کی خرابی اور دو دن ناغے سے پانی کی فراہمی سے عوام میں بے چینی کا ماحول دیکھا جارہا ہے۔

انہوں نے کہا کہ پینے کا پانی اگر کارپوریشن کے ذریعے فراہم کیا جارہا ہے اور اگر وہ آلودہ شدہ ہے تو اس سے کئی بیماریاں جنم لے گئی۔ انہوں نے تنقید کرتے ہوئے کہا کہ میونسپل کارپوریشن 2005 کے دوسرے میئر کی منظوری سے ہر سال 5 فیصد پانی پٹی میں اضافہ عوام پر بڑھتا جارہا ہے۔ اور عوام کو سال بھر میں 150 دن ہی پانی حاصل ہوتا ہے۔ مفتی محمد اسماعیل قاسمی نے کہا کہ اگر عوام پر ہر سال یہ بوجھ نہیں بڑھتا اور برسراقتدار کی سانٹھ گانٹھ سے دابھاڑی کو پانی نہ بیچا گیا ہوتا تو آج کے موجودہ حالات میں پینے کے پانی کی تکلیف نہیں ہوتی، عوام کو ایک دن ناغے سے پانی حاصل ہوتا۔

انہوں نے مزید کہا کہ اب دو دن ناغے سے آلودہ پانی کی فراہمی ہورہی ہے۔ کارپوریشن انتظامیہ کو شہریان کی صحت کی کوئی پرواہ نہیں ہے، انتظامیہ اور میونسپل کمشنر اس معاملے میں مسلسل لاپرواہی کا مظاہرہ کررہے ہیں۔ مفتی محمد اسماعیل قاسمی نے کہا کہ فوری طور پر اس مسئلے کو حل نہیں کیا گیا تو آنے والے دنوں میں عوامی تحریک چلائی جائے گی۔ واضح رہے کہ رکن اسمبلی کے اس ہنگامی دورے سے افسران نے 8 دنوں کے اندر اندر اس مسئلے کی یکسوئی کی یقین دہائی کرائی۔