اردو

urdu

ETV Bharat / state

بھیونڈی میں مجلس اتحاد المسلمین کا کینڈل مارچ - اے آئی ایم آئی ایم کے مقامی صدر محمد خالد گڈو

بھیونڈی میں مجلس اتحادالمسلمین نے متنازع شہریت ترمیمی قانون اور این آر سی کے خلاف گذشتہ روز مجلس اتحادالمسلمین کے مقامی صدر محمد خالد گڈو کی قیادت میں کینڈل مارچ نکال کر مرکزی حکومت کے خلاف جم کر نعرے بازی کی۔

بھیونڈی میں اے آئی ایم آئی ایم کا کینڈل مارچ
بھیونڈی میں اے آئی ایم آئی ایم کا کینڈل مارچ

By

Published : Dec 24, 2019, 1:03 PM IST

شہر کے قلب میں واقع کوٹر گیٹ مسجد سے ہزاروں کی تعداد میں کارکنان اور شہریوں نے دیر شام ہاتھوں میں ترنگا اورموم بتی لے کر مرکزی حکومت کے خلاف زبردست نعرے بازی کرتے ہوئے روانہ ہوئے۔

بھیونڈی میں اے آئی ایم آئی ایم کا کینڈل مارچ

بیشتر مظاہرین کے ہاتھوں میں ہندو اور مسلمان نوجوان کی علامتی تصویر لے کر 'آواز دو ہم سب ایک ہیں'، 'ہندومسلم کرو وچار کب تک سہیں گے اتیاچار' جیسے نعرے لگارہے تھے۔

پولیس نے مظاہرین کو پرانی میونسپل کارپوریشن کی عمارت کے پاس روک دیا جہاں یہ مارچ ایک جلسہ میں تبدیل ہوگیا جہاں مقررین نے ہزاروں کے مجمع سے خطاب کیا۔

اے آئی ایم آئی ایم کے مقامی صدر محمد خالد گڈو نے کہا کہ این آر سی اور شہریت ترمیمی قانون ملک کے غریب عوام کے خلاف ہے۔حکومت کا یہ قدم آئین کی روح کے منافی ہے اور ہم کسی بھی قیمت پر بابا صاحب امبیڈکر کے آئین پر حملہ برداشت نہیں کریں گے۔

انہوں نے مزید کہا کہ حکومت کا یہ قدم آئین ہند کے بنیادی ڈھانچے کو کمزور بنانے کی ایک سازش ہے۔جسے ہم ہمارے قائد بیرسٹر اسدالدین اویسی کی قیادت میں کبھی ہونے نہیں دیں گے۔

ABOUT THE AUTHOR

...view details