Damaged Buildings in Mumbai مخدوش عمارتوں کو ری ڈیولپمنٹ کے لیے مہاڈا نے نوٹس جاری کیا

ایم بی آر آر بی یعنی بلڈنگ ریپیرس اینڈ کنسٹرکشن میں جنوبی ممبئی کے گنجان آبادی والے علاقوں میں موجود مخدوش خطرناک پرانی عمارتوں کو نوٹس بھیجنا شروع کیا ہے جو کبھی بھی حادثے کہ شکار ہو سکتی ہیں۔ یا ان کی مرمت کرنا بے حد ضروری ہے۔ نہیں تو یہ کبھی بھی حادثے کا شکار ہو جائیں گی۔ MHADA issue Notice old Buildings in Mumbai

ممبئی:مہاڈا نے ان بلڈنگ کے مالکان سے اس بات کی اپیل کی ہے کہ ان کی جانب سے جو بھی نوٹس جاری کی جا رہی ہیں نوٹس جاری ہونے کے چھ ماہ کے اندر اُن عمارتوں کے ری ڈیولپمنٹ کا پلان کریں اگر ایسا نہیں کرتے تو اُنھیں ایک اور نوٹس کے ذریعہ آگاہ کیا جائے گا۔ آپ کو بتا دیں کہ جنوبی ممبئی میں 13000 سے زائد ایسی عمارتیں ہیں جو سيس عمارتوں کی فہرست میں پائی گئی ہیں۔ یہ عمارتیں 1940 کے پہلے سے تعمیر کی گئی ہیں ان کا کرایہ مہاڈا وصول کرتی ہے۔

ایم بی آر آر بی کے افسران نے اُن سبھی عمارتوں کی شناخت کی ہے اور جون سے ہی اُنہیں یعنی بارش سے قبل نوٹس دینے کا کام شروع کر دیا ہے۔ ایم بی آر آر بی کے افسر ارون ڈونگرے نے بتایا کہ ہم قانون کے مطابق اس پورے کام کو انجام دے رہے ہیںْ عمارتیں مخدوش ہیں اور کئی عمارتیں تو بوسیدہ ہیں۔ اُن کی مرمت بے حد ضروری ہے۔ اسی لیے ہم نے جون سے ہی نوٹس دے کر عمارتوں کے مالکان سے ری ڈیولپمنٹ کے لیے تجویز پیش کرنے کے لیے کہا ہے۔

اُنہوں نے کہا کہ بارش سے قبل اس طرح نوٹس جاری کی جاتی ہے تاکہ مکین کسی حادثے کہ شکار نہ ہوں۔ آپ کو بتا دیں کہ سی 1 یعنی انتہائی بوسیدہ مخدوش عمارتیں اب تک 15 ہیں جن کی شناخت کی جا چکی ہے جب کہ گزشتہ برس اس طرح کی سیس عمارتوں کی تعداد 7 تھی۔ حالانکہ جانکاری میں یہ بات سامنے آئی ہے کہ 1940 کے پہلے کی سیس عمارتوں کی تعداد جنہیں A کٹیگری میں رکھا گیا ہے، ان کی تعداد 16502 ہے۔ جب کہ 1640 سے 1950 کے بیچ کی سیس عمارتیں جنہیں B کٹیگری میں رکھا گیا ہے ان کی تعداد 1489 ہے اور 1951 سے 1969 کے بیچ جن عمارتوں کی شناخت کی گئی ہے۔ ان کی تعداد 1651 ہے۔ انہیں C کٹیگری میں رکھا گیا ہے۔