بھیونڈی : ایم آئی ایم کو نہیں ملی احتجاج کی منظوری

مہاراشٹر کے دارالحکومت ممبئی سے متصل صنعتی شہر بھیونڈی میں کل ہند مجلس اتحادالمسلمین کی جانب سے کیب اور این آر سی کو لیکر احتجاج کا اعلان کیا تھا مگر مقامی پولیس انتظامیہ نے حفاظتی شہر میں امن امان سمیت دیگر جواز پیش کرتے ہوئے اس پرامن احتجاج کی منظوری دینے سے انکار کردیا۔

مہاراشٹر کے دارالحکومت ممبئی سے متصل صنعتی شہر بھیونڈی میں کل ہند مجلس اتحادالمسلمین کی جانب سے کیب اور این آر سی کو لیکر احتجاج کا اعلان کیا تھا مگر مقامی پولیس انتظامیہ نے حفاظتی شہر میں امن امان سمیت دیگر جواز پیش کرتے ہوئے اس پرامن احتجاج کی منظوری دینے سے انکار کردیا.

جسکے سبب ایم آئی ایم کے مقامی یونٹ نے اس احتجاج کو ملتوی کرتے ہوئے آئین کے مطابق مختلف نکات پر مشتمل ایک مکتوب پرانت آفیسر کے سونپا اور پرانت دفتر کے سامنے کچھ دیر احتجاج کیا.

ایم آئی ایم کے مقامی رہنما شاداب عثمانی کے مطابق بھیونڈی یونٹ شہر کی عوام کے ساتھ کیب اور این سی کی مخالفت میں ایک پرامن احتجاج کا اعلان کیا تھا مگر مقامی پولیس انتظامیہ نے اس احتجاج کے لیے منظوری نہیں دیا جسکے سبب انہوں نے قانون ہاتھ میں نہ لینے کا فیصلہ کرتے ہوئے اس احتجاج کو ملتوی کردیا ہے.

انکے مطابق پولیس نے اس احتجاج کو پرمیشن نہ دینے کی جو اہم وجہ بتایا وہ یہ تھا کہ آج ہی بجرنگ دل کے کارکنان نے بھی احتجاج کرنے کے لئے پرمیشن مانگا تھا پولیس نے اس بات کا خدشہ ظاہر کیا کہ دونوں ہی تنظیموں کے کارکنان کے درمیان تنازع ہوسکتا ہے جسکو دیکھتے ہوئے دونوں کو منظوری نہیں دیا ہے.

شاداب عثمانی نے شہریت ترمیمی بل اور این آر سی کو لیکر اپنا احتجاج درج کراتے ہوئے پرانت آفیسر کو ایک احتجاجی مکتوب دیا جس میں واضح طور تحریر کیا کہ اس بل میں آرٹیکل 14 کی خلاف ورزی ہے. اس قانون کی مخالفت کرتے ہیں جب تک حکومت اس فیصلہ کو واپس نہیں لے لیتی تب تک اس مخالفت جاری رہیگی.