اورنگ آباد : کورونا وائرس کے خاتمے کے لیے اجتماعی دعاؤں کا اہتمام

اورنگ آباد میں کورونا وائرس متاثرین کی تعداد میں اضافہ ہورہا ہے وہیں مسلم نمائندہ کونسل کی جانب سے اجتماعی دعاؤں کا اعلان کیا گیا۔

ریاست مہاراشٹر کے اورنگ آباد میں مسلم نمائندہ کونسل نے اجتماعی دعاؤں کا اعلان کیا جس کے بعد لوگوں نے اپنے گھروں میں رہ کر نماز حاجت ادا کی اور خصوصی دعا بھی کی۔

کورنا وائرس کے خاتمے اور پوری دنیا کو اس وبا سے نجات دلانے کے لیے اجتماعی دعاؤں کا اہتمام کیا گیا اس موقع پر ہر گھر میں نماز حاجت ادا کی گئی۔اور دعاؤں کا اہتمام بھی کیا گیا۔

اورنگ آباد میں 30 جون تک مذہبی مقامات بند ہیں اس لیے گھروں میں دعائیں کی گئیں بزرگ اور معصوم بچوں نے بھی اپنے رب کے حضور گڑگڑا کر دعائیں مانگی گناہوں سے توبہ کی اور اپنے رب کو راضی کرتے ہوئے وبا سے نجات کی دعائیں کیں، اورنگ آباد شہر میں اجتماعی دعاؤں کا اہتمام مسلم نمائندہ کونسل کی اپیل پر کیا گیا ۔