مینگروز کے درختوں کی کٹائی پر ممبئی شہر کو مستقبل میں پیش آنے والے خدشے پر دیکھیں ای ٹی وی بھارت کی خصوصی رپورٹ۔۔۔۔
ممبئی ایک ایسا جزیرہ ہے جو بحر عرب کی تلاطم خیز موجوں کے درمیان ہمیشہ ہچکولے کھاتا نظر آتا ہے، لیکن مینگروز کے درختوں نے ہمیشہ ممبئی کی حفاظت میں اہم کردار ادا کیا ہے۔
لیکن گذشتہ کئی برسوں سے ساحلی علاقوں میں مینگروز کے درختوں کی بے دریغ کٹائی نے ماہرین ماحولیات اور حکومت کو بے چین کردیا ہے۔
مینگروز کے درختوں کی مسلسل کٹائی سے شہر میں سونامی کی آہٹ محسوس کی جارہی ہے۔
ساحلی علاقوں کے قریب آباد لوگوں نے اپنے مفاد کے لیے مینگروز کو کاٹ رہے ہیں، اور رہی سہی کسر پلاسٹک پوری کررہی ہے، کیوں کہ ساحلی علاقوں پر پلاسٹک کی موجودگی نباتات کی زندگی پر برے اثرات مرتب کررہی ہے۔