مالیگاؤں: 26 جنوری کو 70 مقامات پر خواتین کا احتجاج

ریاست مہاراشٹر کے شہر مالیگاؤں میں گزشتہ دنوں مولانا محمد عمرین محضوظ رحمانی سکریٹری آل انڈیا مسلم پرسنل کی قیادت میں دستور ہند بچاؤ کمیٹی نے مرد حضرات اور شان ہند نہال احمد کی قیادت میں دستور بچاؤ کمیٹی کی جانب سے خواتین نے بڑے پیمانے پر تاریخی احتجاج کیا تھا۔

بروز پیر 13 جنوری کو دوپہر ساڑھے تین بجے اردو میڈیا سینٹر پر دستور بچاؤ کمیٹی کی جانب سے شان ہند نے پریس کانفرس میں 26 جنوری 2020 کو 70 مقامات پر خواتین کی جانب سے شہریت ترمیمی قانون کے خلاف احتجاج کرنے کا اعلان کیا۔

شان ہند نے کہا کہ چھ جنوری کے احتجاج میں لاکھوں کی تعداد میں خواتین شہر نے شہریت ترمیمی قانون کے خلاف ریلی اور احتجاجی مظاہرہ کیا تھا لیکن ضلع ایس پی آرتی سنگھ نے اس تحریک کو غلط انداز میں پیش کرنے کام کرنے کا کام کیا اور حکومت کو اس احتجاج کی غلط رپورٹ دی۔

شان ہند نے مزید کہا کہ دستور بچاو کمیٹی اس کی مذمت کرتی ہے اور آئندہ دنوں میں کمیٹی انھیں انتباہ دیتی ہے کہ وہ اپنی حرکتوں سے باز رہیں ورنہ ان کے خلاف بھی کارروائی کی جائے گی۔

اس پریس کانفرنس میں شان ہند، زیب النسا عبدالباقی، نسرین الطاف شیخ، آصفہ میڈم اور دیگر سرکردہ خواتین نے شرکت کی۔