مالیگاؤں: گائیوں سے بھری تین پک اپ ضبط

مالیگاؤں میں غیر قانونی طور پر لے جا رہے جانوروں کو پولیس نے ضبط کر لیا ہے۔

ریاست مہاراشٹر کے شہر مالیگاؤں میں گائے کی غیر قانونی جانوروں کی اسمگلنگ کو روکنے کیلیے پولیس مسلسل کاروائی کرتی نظر آرہی ہے اور لاکھوں روپئے کی مالیت کے جانور اور گاڑیاں بھی برآمد کر رہی ہے،گزشتہ روز ایڈیشنل ایس پی کے خصوصی دستے نے ہیرا پورہ علاقے میں لکی ہال کے پاس سے تین پک اپ گاڑیاں ضبط کیا ہے ضبط کی گئی گاڑیوں میں سے گائے کی نسل کے 12 جانور بھی برآمد کیے ہیں۔

مالیگاؤں پولیس نے گائیوں سے بھری تین پک اپ ضبط کیا

موصول اطلاعات کے مطابق جانوروں کی قیمت 3 لاکھ 55 ہزار بتائی جا رہی ہے اور تینوں، مالیگاؤں پولیس نے کل 11 لاکھ 5 ہزار کی مالیت ضبط کی ہے۔

ایڈیشنل ایس پی کے خصوصی دستے کی قیادت کر رہے ششی کانت شیرڈوے نے قلعہ پولیس اسٹیشن میں مقدمہ درج کر لیا ہے اور تینوں گاڑیوں کو ضبط کیا۔

ایڈیشنل ایس پی چندرکانت کھانڈوی نے بتایا کہ خصوصی دستے نے اس کاروائی میں شیخ جاوید ساکن چالیس گاؤں، اکبر خان ساکن چالیس گاؤں کو گرفتار کیا ہے، گرفتار ملزمین کے مطابق یہ مال اسرائیل خان (قریشی) ساکن امن پورہ مالیگاؤں کا ہے، اور وہ فرار ہے، اس معاملے میں مزید تفتیش جاری ہے۔