مالیگاؤں کلب کیلینڈر کا اجرأ، کلب کی بے لوث خدمات کا اعتراف

ریاست مہاراشٹر کے شہر مالیگاؤں کی منفرد و فعال تنظیم "مالیگاؤں کلب" گذشتہ چھ برسوں سے تعلیمی، سماجی و فلاحی کام انجام دے رہی ہے۔ کلب میں ہر شعبے سے منسلک سینکڑوں افراد شامل ہیں۔

مالیگاؤں کلب سالانہ کیلینڈر کا اجراء گزشتہ 28 دسمبر کی شب کو اردو میڈیا سینٹر قدوائی روڈ پر عمل میں آیا۔ اس تقریب اجراء کی صدارت معروف صنعتکار رفیق انور نے کی اور نطامت کے فرائض صحافی مختار عدیل نے انجام دی۔

مالیگاؤں کلب کیلینڈر کی رونمائی مہمانان کرام نے کی۔ مہمانان کرام میں سینیئر صحافی انصاری احسان الرحیم، ایڈوکیٹ زبیر احمد انکم ٹیکس، ریسرچ اسکالر عمران شیخ، صنعتکار رفیق انور، احمد اللہ سعودی قونصلیٹ، قاری زبیر اور دیگر شامل تھے۔

مالیگاؤں کلب کے فعال رکن مجاہد سلطان نے رسم اجراء کے بعد اپنے خیالات کا اظہار کیا ہے۔ موصوف نے کلب کی گزشتہ چھ سالوں کی خدمات پر روشنی ڈالتے ہوئے کہا کہ کلب کے ایڈمن ٹائمز آف انڈیا کے معاون ایڈیٹر متین حفیظ ہیں۔

کلب کی جانب سے مخلتف اسکیمات کامیابی کے ساتھ جاری ہیں۔ اس اسکیمات میں امام مؤذن فری میڈیکل، مراٹھی اسپیکنگ کلاسیس، اے پی جے کلام کلاسیس، شجر کاری، کارپوریشن اسکولوں میں سوئیٹر اسکیم کے علاوہ دیگر شامل ہیں۔