جنتا دل سیکولر کے رہنماؤں نے شب برات سے قبل قبرستان کا دورہ کیا

مالیگاؤں میونسپل کارپوریشن کے صاف صفائی محکمہ کے آفیسران وکی دیورے اور امیش سونونے کو بھی بڑا قبرستان بلایا گیا اور قبرستان سمیت اطراف کے علاقوں میں بہتر صاف صفائی کرانے کا ذمہ انہیں سونپا گیا۔

مہاراشٹر کے شہر مالیگاؤں میں جنتادل سیکولر کے سیکریٹری مستقیم ڈِگنیٹی نے پارٹی کارکنان کے ہمراہ قبرستان اور اطراف کے علاقوں کا دورہ کیا.

شب برات کے پیشِ نظر شہریان کی بڑی تعداد مساجد میں نماز ادا کرنے اور قبرستانوں میں بزرگان دین اور اپنے اعزہ و اقارب کی قبور پر فاتحہ خوانی کے لیے جاتے ہیں۔ اسی کے پیش نظر جنتا دل سیکولر کے جنرل سکریٹری و کارپوریٹر مستقیم ڈِگنیٹی نے بڑا قبرستان اور اطراف کے علاقوں کا دورہ کیا اور بجلی محکمہ کے افسر ساحل سر سمیت دیگر آفیسران کو مدعو کرکے انھیں قبرستان کے اطراف کے بجلی مسائل سے آگاہ کیا اور ساتھ ہی ساتھ شہر بھر کے دیگر قبرستانوں کے اطراف کی بجلی کے نظام درست رکھنے کی کی بھی تاکید کی۔

اس کے علاوہ مالیگاؤں میونسپل کارپوریشن کے صاف صفائی محکمہ کے آفیسران وکی دیورے اور امیش سونونے کو بھی بڑا قبرستان طلب کیا گیا اور قبرستان سمیت اطراف کے علاقوں میں میں بہتر صاف صفائی کے احکامات دیے۔

اس دوران مستقیم ڈِگنیٹی نے کہا 'شہریان اپنے اعزہ و اقارب اور بزرگان دین کی قبور پر درود و سلام اور فاتحہ خوانی کریں اور مساجد میں نماز ادا کرنے کے لئے ضرور جائیں۔ لیکن ماسک لگائیں اور سوشل ڈسٹینسنگ کا خیال ضرور رکھیں'۔

مستقیم ڈِگنیٹی نے مزید کہا ہے 'میں خود بڑا قبرستان جائوں گے اور بزرگان دین کے علاوہ ساتھی بلند اقبال اور ساتھی نہال احمد صاحب کی قبور پر فاتحہ خوانی کروں گا'۔

قابل ذکر ہے کہ اتوار کی رات شب برات ہے اور یہی وجہ ہے کہ قبرستان میں لوگوں کی زیادہ بھیڑ بھاڑ نہ ہو اس کے لیے پولیس نے ابھی سے سختی شروع کر دی ہے۔