مالیگاؤں:خاتون کے ساتھ غیر اخلاقی حرکت

مالیگاؤں میں ایک 35 سالہ خاتون کے ساتھ غیر اخلاقی حرکت کرنے کا معاملہ سامنے آیا ہے جس کے بعد پولیس نے مقدمہ درج کرکے کارروائی شروع کر دی ہے۔

ریاست مہاراشٹر کے شہر مالیگاؤں میں پولیس کنٹرول روم سے ملی تفصیلات کے مطابق آزاد نگر پولیس اسٹیشن میں خاتون نے شکایت درج کروائی کہ طحہ نثار احمد عمر (30) سالہ ساکن نیاپورہ جو کہ متاثرہ کا پڑوسی ہے مذکورہ تاریخ کو متاثرہ اپنے گھر کے پاس پانی بھر رہی تھی تب ملزم نے خاتون کے ساتھ غیر اخلاقی حرکت کی۔

اور کارخانہ کی ٹوٹی ہوئی دیوار میں سے ہاتھ ڈال کر متاثرہ کا فحش ویڈیو بنایا اور دوسرے دن بھی اس طرح کی غیر اخلاقی حرکت کرنے کی کوشش کی۔جس پر آزاد نگر پولیس نے ملزم کے خلاف خاتون سے چھیڑ چھاڑ اور مختلف سنگین دفعات کے تحت معاملہ درج کرکے قانونی کارروائی شروع کردی ہے۔

واضح رہے کہ شہر میں گزشتہ سالوں میں جرائم کے واقعات میں تیزی سے اضافہ ہوا ہے۔