مہاراشٹر وزارت صحت کی تازہ رپورٹ کے مطابق 14 نئے مریضوں میں کورونا مثبت پایا گیا ہے اور یہ تعداد 61 ہو چکی ہے۔
کورونا وائرس کے مریضوں کو جیون اسپتال، سول اسپتال، منصورہ میڈیکل کالج اور الامین میڈیکل کالج میں رکھا گیا ہے۔
وزارت صحت کے مطابق مریضوں کے اہل خانہ کو قریش جماعت، مالیگاؤں ہائی اسکول اور تہذیب ہائی اسکول میں رکھا گیا۔
ان تمام لوگوں کے کھانے کا نظم مفتی محمد اسماعیل قاسمی صدر جمعیتہ علماء ہند شاخ مالیگاؤں کی زیر سرپرستی کیا جا رہا ہے۔
واضح رہے کہ ابتک کورونا وائرس کی وجہ سے دو لوگوں کی وفات ہوچکی ہے اور آج ایک بزرگ ڈاکٹر کا انتقال ناسک میں ہوا ہے جن کا علاج جاری تھا۔ ان کی رپورٹ ابتک نہیں آئی ہے۔
کورونا وائرس کی روک تھام کیلئے کارپوریشن نے شہر کے بیس سے زائد علاقوں کو ریڈ زون قرار دیا ہے۔ ان علاقوں کو مکمل طور پر سیل کر دیا گیا ہے اور پولس کا بندوبست لگا دیا گیا ہے۔