سادھوی پرگیہ، ممبئی کی خصوصی عدالت میں حاضر

بھارتیہ جنتا پارٹی کی رکن پارلیمان اور مالیگاؤں 2008 بم دھماکے کی ملزمہ سادھوی پرگیہ سنگھ ٹھاکر، این آئی اے کی خصوصی عدالت میں حاضر ہوئیں۔ وہ آخری بار جون 2019 میں عدالت میں حاضر ہوئی تھیں۔

خصوصی عدالت کے جج وی ایس پڈالکر نے اس معاملے میں موجود تمام ملزموں کو ہفتے میں کم از کم ایک بار عدالت میں پیش ہونے کی ہدایت کرتے ہوئے اس کے حکم (جو گزشتہ برس مئی میں منظور کیے گئے تھے) پر نوٹس لیا تھا جس کے ایک روز بعد وہ عدالت میں حاضر ہوئی ہیں۔

ٹھاکر آخری بار جون 2019 میں عدالت میں پیش ہوئی تھیں۔

اس معاملے میں سادھوی پرگیہ سنگھ ٹھاکر اور لیفٹیننٹ کرنل پرساد پروہت سمیت سات افراد، مالیگاؤں بم دھماکہ مقدمے کا سامنا کر ر ہے ہیں۔

مہاراشٹر کے صنعتی شہر مالیگاؤں میں 29 دسمبر 2008 کو ایک مسجد کے قریب بم دھماکہ ہوا تھا جس میں 6 افراد ہلاک جبکہ 100 سے زائد افراد زخمی ہوئے تھے۔