عدالت نے 3 جون کو ٹھاکر اور دیگر تمام ملزمین کو ہفتے میں ایک بار عدالت کے روبرو حاضر ہونے کی ہدایت دی تھی۔
ٹھاکر کے وکیل نے جمعے کو این آئی اے کورٹ میں سادھوی کو حاضری سے راحت دینے کی گزارش کی۔ اسپیشل این آئی اے کورٹ کے جج ونود پڈلکر کے چھٹی پر جانے کے سبب ان کی عرضی ممبئی کورٹ میں منتقل کر دی گئی تھی۔
ان کے کاؤنسل جے پی مشرا نے عدالت سے کہا کہ اسپیشل این آئی اے جج چھٹی پر ہیں، اس لیے انہوں نے کہا کہ وہ نہ آئیں۔
بھوپال کی رکن پارلیمان سادھوی کے علاوہ لیفٹننٹ کرنل پرساد پروہت، سبکدوش میجر رمیش اپادھیائے، سدھاکر دویویدی، اجے راہیرکر، سیما کلکرنی اور سدھاکر چترویدی مالیگاؤں بم دھماکے 2008 کے ملزمین ہیں۔
ان کے خلاف یو اے پی اے اور آئی پی سی کے مختلف سیکشنز کے تحت مقدمہ درج کیا گیا ہے۔ ساتھ ہی ان کے خلاف دھماکہ خیز مواد رکھنے کے قوانین کے تحت بھی مقدمہ درج کیا گیا۔
ستمبر 2008 میں مالیگاؤں میں بم دھماکے ہوئے تھے، اس میں چھ افراد ہلاک اور درجنون افراد زخمی ہوئے تھے۔