مالیگاؤں میں گھریلو گیس خدمات بحال

مسلم اکثریتی شہر مالیگاؤں میں کورونا وائرس کی وجہ سے شہر ریڈ زون بنا دیا گیا ہے۔ جس کی وجہ سے اب کوئی بھی شخص شہر سے باہر نہیں جاسکتا اور نہ داخل ہوسکتا ہے۔

ریاست مہاراشٹر کے دارالحکومت ممبئی کے مالیگاؤں میں گزشتہ کئی روز سے گھروں میں کھانا پکانے کیلئے استعمال ہونے والی گیس کی خدمات متاثر ہوچکی ہے کیونکہ گیس ایجنسیوں کے ملازمین شہر کے اندر رہائشی علاقے میں گھر تک نہیں پہنچ پارہے تھے۔

شہر کی سیاسی و سماجی تنظیموں نے اس کے لئے جدوجہد کی اور گیس ایجنسیوں کو دوبارہ بحال کیا گیا۔اس سے عام لوگوں کی پریشانیاں کچھ حد تک کم ہو سکتی ہے۔

اب یہ گیس ایجنسیاں شہر کے مختلف علاقوں نیا بس اسٹینڈ، جونا بس اسٹینڈ، مہیش نگر کھڈا جین و دیگر میدانوں سے ہی اپنی خدمات انجام دے رہی ہیں۔ ای ٹی وی بھارت کے نمائندے نے جونا بس اسٹینڈ پر جاکر گیس ایجنیسوں کی خدمات کا جائزہ لیا۔