Maha Waqf Board Intended to Increase Revenue: مہاراشٹر وقف بورڈ کی آمدنی میں اضافے کے لیے کمیٹی تشکیل

مہاراشٹر میں پہلی مرتبہ ریاستی وقف بورڈ پوری طرح فعال نظر آرہا ہے۔ بورڈ کی عملی سرگرمیوں میں بھی اضافہ ہوا ہے۔ بورڈ کے چئیرمین وجاہت مرزا نے اورنگ آباد پہنچ کر صدر دفتر کا جائزہ لیا Maha Waqf Board Formed Committee to Increase Revenue۔

مہاراشٹر اسٹیٹ وقف بورڈ کی آمدنی میں اضافے کو یقینی بنانے کے لیے ایک کمیٹی تشکیل دی گئی ہے Maha Waqf Board Formed Committee to Increase Revenue۔ اسی کے ساتھ یہ پیغام بھی دیا گیا ہے کہ وقف کی جائیدادوں میں گھپلا کرنے والوں کو بخشا نہیں جائے گا اور ان کے خلاف سخت قانونی کارروائی کی جائے گی۔ ان خیالات کا اظہار مہاراشٹر اسٹیٹ وقف بورڈ کے چیئرمین وجاہت مرزا نے کیا۔ وقف چیئرمین کا کہنا ہے کہ وقف کی زمین پر سرکاری عمارتوں کا معاملہ بھی بورڈ کے زیر غور ہے۔

مہاراشٹر میں پہلی مرتبہ ریاستی وقف بورڈ پوری طرح فعال نظر آرہا ہے۔ بورڈ کی عملی سرگرمیوں میں بھی اضافہ ہوا ہے۔ بورڈ کے چئیرمین وجاہت مرزا نے اورنگ آباد پہنچ کر صدر دفتر کا جائزہ لیا۔

اس موقع پر چیئرمین اور بورڈ افسران کی میٹنگ ہوئی، وجاہت مرزا کے مطابق بوگس این او سی کے معاملات میں اب تک بورڈ کی جانب سے 13 معاملات میں ایف آئی آر درج کروائی گئی ہے۔ و جاہت مرزا نے پونا میں ہوئی بورڈ کی میٹنگ اور اس کے فیصلوں پر روشنی ڈالی۔

مہاراشٹر اسٹیٹ وقف بورڈ کی ارضیات پر سرکاری اور نیم سرکاری اداروں کے قبضہ جات کے حوالے سے چیئرمین کا کہنا ہے کہ اس سلسلہ میں معلومات جمع کی جارہی ہے اور جلد ہی حکومت سے نمائندگی کی جائے گی۔

واضح رہے کہ اورنگ آباد میں اسمارٹ سٹی آفس کا تنازع طول پکڑتا جارہا ہے، وقف اراضی پر تعمیر اس عمارت سے متعلق دو محکمے ٹکراؤ کے موقف میں آگئے ہیں۔

وقف بورڈ چیئرمین کے مطابق مہاراشٹر میں ایکسپریس ہائی وے اور سمردھی مہا مارگ جیسے پروجیکٹ میں وقف کی زمین کا معاوضہ بورڈ کو کیسے حاصل ہو، اس تعلق سے بھی حکومت سے بات چیت جاری ہے۔ کچھ معاملات میں متولیوں کی دھاندلیاں سامنے آئی ہیں جن پر ایکشن لیا جارہا ہے۔ اورنگ آباد میں کارپوریشن کی گنٹے واری اسکیم میں بورڈ کی این او سی کے حوالے سے جلد ہی مثبت فیصلے کا اشارہ بھی چیئرمین نے دیا۔