مہاراشٹر حکومت انتقامی کارروائی نہیں کرتی: سنجے راؤت

شیوسینا کے رہنما سنجے راؤت نے ریپبلک ٹی وی کے ایڈیٹر ان چیف ارنب گوسوامی کو رائے گڑھ پولیس کے ذریعہ گرفتار کرنے کا دفاع کرتے ہوئے کہا کہ ریاستی پولیس قانون پر عمل کرتی ہے۔

راؤت نے ارنب کو حراست میں لئے جانے پر کہا کہ مہاراشٹر پولیس قانون پر عمل کرتی ہے۔ پولیس کے پاس اگر کسی کے خلاف کوئی ثبوت ہے تو وہ اس پر کارروائی کرسکتی ہے۔

انہوں نے کہا کہ جب سے ریاست میں ادھو ٹھاکرے کی قیادت میں حکومت آئی ہے کسی کے خلاف کوئی بدلے کی کارروائی نہیں کی گئی ہے۔

واضح رہے کہ ریپبلک ٹی وی کے ایڈیٹر ان چیف ارنب گوسوامی کو رائے گڑھ پولیس نے دو سال پرانے خودکشی کے ایک کیس میں آج صبح ان کی رہائش گاہ سے گرفتار کر لیا ہے۔