مہاراشٹر میں ای پاس کی اب ضرورت نہیں: وزیرداخلہ

مہاراشٹر میں وبائی امراض کووڈ۔19 کے پیش نظر پورے مہاراشٹر میں لاک ڈاؤن نفاذ کیا گیا۔ جو ضروریات کی چیزیں ہیں ان ہی کو صرف چھوٹ دی گئی۔ وہیں ایک شہر سے دوسرے شہر جانے کے لیے ای پاس کی ضرورت ہوتی تھی جو کہ اب ریاستی وزیر داخلہ انل دیشمکھ نے کہا ہے کہ ریاست میں اب ای پاس کی ضرورت نہیں ہو گی۔

24 مارچ 2020 کو وزیر اعظم نریندر مودی کی سربراہی میں حکومت ہند نے 21 دن کے لئے ملک گیر لاک ڈاؤن کا حکم دیا، جس نے بھارت میں کورونا وائرس ( کووڈ-19) وبائی امراض کے خلاف احتیاطی اقدام کے طور پر بھارت کی پوری 1.3 بلین آبادی کی نقل و حرکت کو محدود کردیا گیا۔ یہی نہیں لاک ڈاؤن کا عمل کچھ ریاستوں میں اب تک جاری ہے۔

اس ضمن میں مہاراشٹر کے وزیر داخلہ انل دیشمکھ نے پریس کانفرنس کرتے ہوئے کہا ہے کہ ریاست میں ایک ضلع سے دوسرے ضلع میں جانے کے لیے ای پاس کی ضرورت ہوتی تھی۔ جس کے بعد مہاراشٹر حکومت نے فیصلہ لیتے ہوئے کہا ہے کہ اب ای پاس کی ضرورت نہیں ہوگی۔

ای پاس

واضح رہے کہ اس سے قبل ایک شہر سے دوسرے شہر جانے کے لئے آن لائن ای پاس کی ضرورت ہوتی تھی جس کے لئے عوام کو بڑی دقتوں کا سامنا کرنا پڑتا تھا۔

اب ای پاس کا عمل ختم کر دیا گیا۔