مہاراشٹرا: بلدی انتخابات میں این سی پی اور شیوسینا کے درمیان اتحاد کا امکان

ریاست مہاراشٹر میں شیوسینا کی قیادت میں مہاوکاس آگھاڑی کا قیام عمل میں آیا اس کے بعد تینوں پارٹیوں پر مشتمل اتحاد کی جانب سے حکومت بنائی گئی۔

ریاستی سطح پر تینوں پارٹیوں کے رہنماؤں کے بیچ آئے دن اختلافات بھی سامنے آتے رہیں ہیں جبکہ نائب وزیر اعلی اجیت دادا پوار نے آئندہ بلدی انتخابات میں راشٹروادی کانگریس پارٹی اور شیوسینا متحد ہو کر چناو میں حصہ لینے کا اعلان کیا۔

انہوں نے کہا کہ ہم شیوسینا کے ساتھ مقامی سطح پر اتحاد کرنا چاہتے ہیں بھلے ہی کانگریس اتحاد میں شامل ہو یا نہ ہو۔ اس سلسلہ میں این سی پی کی جانب سے شیوسینا کے رہنماؤں کے ساتھ مذاکرات جاری ہیں۔

فی الحال ایسا مانا جارہا ہے کہ آئندہ بلدی انتخابات میں مہا وکاس آگھاڑی متحدہ طور پر حصہ لیں گے۔ وہیں بعض کانگرسی رہنماؤں نے تنہا انتخابات میں مقابلہ کرنے کا بھی اعلان کیا ہے جبکہ این سی پی نے شیوسینا کے ساتھ ملکر انتخابات میں حصہ لینے کا ارادہ ظاہر کیا ہے۔