مہاراشٹر: ماؤ نوازوں نے 'وومنس ڈے' کے بینر کے نیچے بارود رکھا

آٹھ مارچ کو دنیا بھر میں عالمی یوم خواتین (وومنس ڈے) بڑے ہی دھوم دھام سے منایا جاتا ہے، لیکن مہاراشٹر کے نکسل متثرہ علاقے گڑچرولی میں ایک عجیب و غریب واقعہ پیش آیا ہے۔

مقامی پولیس افسر کے مطابق ضلع گڑچرولی کے بھامرا گڑھ تعلقہ میں پیر کی شب کو ماؤ نوازوں نے سڑک کے بیچوں بیچ ایک بینر رکھ دیا جس پر عالمی یوم خواتین کو دھو دھام سے منانے کے بارے میں لکھا ہوا تھا مزید یہ کہ ماؤ نوازوں نے لوگوں سے نکسل تحریک کو حمایت دینے کی بات بھی لکھی تھی لیکن حیران کن بات یہ تھی کہ زمین پر بچھے اس بینر کے نیچے بارود رکھا ہوا تھا جو ذرا سی بھی حرکت پر دھماکہ کرسکتا تھا۔

منگل کے روز اسی روڈ سے گذررہی سواریوں نے جب یہ بینر دیکھا تو کوئی بھی تاڑگاؤں کی اس روڈ سے گذرنے کی ہمت نہیں جٹا پارہا تھا جس کی وجہ بھامرا گڑھ- الاپلی روٹ کئی گھنٹوں تک ٹریفک جام کے سبب متاثر رہا۔

لیکن پولیس جلد ہی جائے واقعہ پر پہنچ گئی اور راستے سے باردو ہٹایا، جس کے بعد سکیوریٹی اہلکاروں کی موجودگی میں شہر کی طالبات نے اس بینر کو ںذر آتش کرتے ہوئے نکسل مخالف نعرے لگائے۔