چارغیرملکی منشیات فروش کے الزام میں گرفتار

عام انتخابات کے ختم ہوتے ہی ممبئی کے کرائم برانچ نے منشیات فروشوں کے خلاف مہم شروع کردی ہے، کارروائی کے دوران چار غیر ملکی باشندوں کو منشیات فروش کرنے کے الزام میں گرفتار کیا ہے۔

جنوبی ممبئی میں غیر ملکی منشیات فروش باشندوں کی کمر ٹوٹ چکی ہے اس لیے انہونے اب ممبئی کے دوسرے علاقوں میں پناہ لی ہی ،لیکن ممبئی اینٹی نارکوٹک سیل کی کارروائی نے یہاں بھی چھاپے ماری کی ہے، جس کی وجہ سے پولیس اور غیر ملکی منشیات فروشوں کے درمیان جم کر جھڑپ ہوئی۔ اس جھڑپ کے بعد ممبئی اینٹی نارکوٹک سیل نے چار نائجیرین کو کوکین کے ساتھ گرفتار کیا ہے ۔

ضبط کی گئی کوکین کی قیمت بھارتی بازار میں ڈھائی لاکھ کے آس پاس ہے۔ اس کارروائی سے پہلے ممبئی کے ڈونگری علاقے میں کئی پولیس والوں کو غیر ملکی منشیات فروشوں نے زخمی کر دیا تھا جسکے بعد افسران ہتھیار سے لیس ہوکرکارروائی کرنے کے لیے جاتے ہیں۔