مہاراشٹر: مساجد میں نماز سے متعلق اہم قدم

مہاراشٹر کے دارالحکومت ممبئی میں کورونا وائرس کے پیش نظر تمام مساجد کو بند رکھنے کا فیصلہ کیا گیا ہے تا ہم اذان اور نماز صرف امام و موذن اور مسجد کے دیگر ذمہ داران اذان اور نمازوں کا اہتمام معمول کے مطابق ہوگا۔

ممبئی شہر و مضافات سمیت ریاست بھر کی مساجد بھی کورونا وائرس کے خطرے کے باعث بند کرنے کا فیصلہ کیا گیا ہے، ممبئی میں بعد نمازِ عصر ہی تمام مساجد کو بند کروایا گیا۔

تا ہم مساجد میں امام، موذن اور مسجد کا عملہ ہی اس میں نمازوں کی پابندی کریں گے۔

وزیراعلی ادھو ٹھاکرے کے اعلان کے بعد مغرب کی نماز سے قبل ہی مساجد کو بند کر دیا گیا، ڈونگری مسجد کو بند کرتے ہوئے اے سی پی دھرما ادھیکاری کا ویڈیو بھی وائرل ہوا ہے جس میں اے سی پی مسجد سے نمازی کونکال کر مسجد بند کرتے ہوئے نظر آئے۔

پولیس نے اپنے اپنے علاقوں کی مساجد کو سرکاری حکم نامہ کے بعد بند کرایا گیا۔

ریاست میں مسجد پر پابندی سے قبل پنویل میں کرفیو اور حکم امتناعی کی خلاف ورزی پر مسجد کے امام اور موذن کے خلاف کیس بھی درج کر کے پولیس نے گرفتار بھی کیا۔

ممبئی شہر و مضافات کی پانچ سو سے زائد مساجد کو باقاعدہ طور بند کر دیا گیا ہے اس کے ساتھ ہی ریاست بھر میں مساجد پر لاک ڈاؤن کر دیا گیا ہے۔