دھننجے منڈے کے خلاف کیس درج کرنے پر روک

سپریم کورٹ نے سرکاری زمین کی مبینہ غیرقانونی خریداری کے معاملے میں مہاراشٹر کے قانون ساز کونسل کے رکن دھننجے منڈے کے خلاف ایف آئی آر درج کرنے کے حکم پر روک لگا دی۔

جسٹس اندرا بنرجی اور جسٹس اجے رستوگی کی بینچ نے بامبے ہائی کورٹ کے حکم پر روک لگانے کے ساتھ ہی مہاراشٹر حکومت اور دیگر شكايت کنندگان کو نوٹس بھی جاری کیا۔

بامبے ہائی کورٹ نے راجا بھاؤ کی درخواست پر مہاراشٹر پولیس کو نیشنلسٹ کانگریس پارٹی کے رہنما کے خلاف مقدمہ درج کرنے کا 11 جون 2019 کو حکم دیا تھا جسے انہوں نے عدالت میں چیلنج کیا ہے۔

یہ معاملہ ریاست مہاراشٹر کے ضلع بیڑ کے امباجوگئی تحصیل میں واقع پوس گاؤں کی سرکاری زمین کی خریداری میں دھوکہ دہی سے منسلک ہے۔