Farmer Issue In Maharashtra ریاستی حکومت کسانوں کی جلد مدد کرے گی: عبدالستار

ریاستی وزیر عبدالستار نے کہاکہ مہاراشٹر کی حکومت جلد ہی کسانوں کی مدد کرنے کا فیصلہ کیا ہے۔انہوں نے کہاکہ چند لوگ سوشل میڈیا کے ذریعہ کسانوں کو گمراہ کرنے کی ناکام کوشش کر رہے ہیں۔

اورنگ آباد:ریاست مہاراشٹر میں گزشتہ چند مہینوں کے دوران بن موسم بارش کے سبب فصلیں برباد ہونے کے سبب کسانوں کو بھاری مالی نقصان کا سامنا کرنا پڑا ہے۔معاوضہ نہیں ملنے کے سبب کسانوں نے حکومت کے خلاف احتجاج کر رہے ہیں۔سوشل میڈیا میں کسانوں کے منڈی میں فصلیں پھینک کراحتجاج کرنے کی ویڈیو بھی وائرل ہوئی ہے۔

کسانوں کے اس احتجاج کو لے کر مہاراشٹر کے وزیر زراعت عبدالستار کا کہنا ہے کہ حکومت نے فیصلہ کیا ہے کہ پیاز کی کھیتی کرنے والے کسان کو ساڑھے تین سو روپیے ایک کوئنٹل سے پیاس خریدی جائیں گی۔ حکومت کی جانب سے یہ فیصلہ بھی لیا گیا ہے۔ اب یہ عمل جلد ہی شروع کر دیا جائے گا۔ ریاست میں جتنے بھی کسان ہیں وہ پریشان حال ہے لیکن حکومت کسانوں کی پریشانی کو دور کرنے کے لئے ہر ممکن کوشش کر رہی ہے ۔

ریاستی وزیر نے کہاکہ محکمہ زراعت کسانوں کی سبھی تکلیفوں کو دور کرنے میں مصروف ہے۔محکمہ زراعت ریاستی حکومت کی ہدایت پر کام کر رہا ہے ممکن ہے کہ جلد ہی کسانوں کے تمام مسائل حل ہوجائیں گے۔انہوں نے کسانوں سے حکومت پر بھروسہ رکھنے کی اپیل کی ہے۔

وزیر عبدالستار کا کہنا ہے کہ پچھلے کچھ مہینوں سے دیکھنے میں آرہا ہے کہ انگور، پیاز، ٹماٹر اور دوسرے فصلوں کو بڑے پیمانے پر نقصان ہو رہا ہے اور انہیں سستی قیمت میں خریدا جا رہا ہے اس کے لئے ریاستی حکومت کسانوں کے لیے اقدم اٹھا رہی ہے تاکہ کسان اپنی فصل کو اچھی قیمت میں فروخت کرسکیں۔