نائب وزیر اعلی اجیت پوار مستعفی

زبردست رسہ کشی کے دوران مہاراشٹر کے نائب وزیر اعلیٰ اجیت پوار نے حلف برداری کے تین روز بعد اپنے عہدے سے استعفی دے دیا ۔

مہاراشٹر اسمبلی فلور ٹسٹ سے قبل اجیت پوار نے اپنے عہدے سے استعفی دے دیا۔

ذرائع کے مطابق وزیر اعلی دیویندر فڑنویس بھی اپنے عہدے سے جلد ہی استعفی دے سکتے ہیں۔

واضح رہے کہ ہفتے کے روز دیویندر فڑنویس اور اجیت پوار نے مہاراشٹر کے وزیر اعلیٰ اور نائب وزیر اعلی کا حلف لیا تھا۔

اجیت پوار نے پارٹی کے خلاف ورزی کرتے ہوئے بی جے پی کے ساتھ حکومت سازی میں شامل ہوئے تھے۔جس کے بعد این سی پی سربراہ شرد پوار نے کہا تھا کہ ان کا بی جے پی میں شامل ہونا این سی پی کا فیصلہ نہیں بلکہ ان کا ذاتی فیصلہ ہے۔

این سی پی سربراہ شرد پوار نے پارٹی کے خلاف ورزی کرنے پر اجیت پوار کو لیجسلیچر پارٹی لیڈر کے عہدے انہیں برخاست کردیا تھا۔