مہاراشٹر: کورونا وائرس سے ایک شخص کی موت

کورونا وائرس کا قہر ساری دنیا میں پھیلتا جارہا ہے اور اس وائرس کی وجہ سے اموات میں بھی اضافہ ہوتا جارہا ہے۔

ریاست مہاراشٹرا میں اس وبا سے متاثرہ ایک شخص موت ہوگئی جس کے بعد ریاستی حکومت نے احتیاطی اقدامات کو سخت کردیا ہے۔

ممبئی کے کستوربا ہسپتال میں کوویڈ 19 سے متاثرہ شخص کی موت کے بعد بھارت میں اس مرض سے مرنے والوں کی تعداد 3 ہوگئی ہے۔

قبل ازیں اس شخص کو ہندوجا ہسپتال میں شریک کیا گیا تھا اور کورونا وائرس مثبت پائے جانے کے بعد اسے کستوربا ہسپتال منتقل کیا گیا تھا۔ مہاراشٹرا میں کورونا وائرس سے ہونے والی یہ پہلی موت ہے۔

مہاراشٹرا حکومت نے ریاست کے تمام بڑے مذہبی مقامات کو بھی بند کرنے کا اعلان کیا ہے۔ اطلاعات کے مطابق شردی میں واقع سائی بابا کی مندر کو بھی غیرمعینہ مدت کےلیے عقیدتمنوں کےلیے بند کردیا گیا ہے۔

واضح رہے کہ بھارت میں کورونا وائرس کے 127 کیسس مثبت پائے گئے۔