'بی جے پی مسلمانوں کو ڈرا رہی ہے'

اسمبلی انتخابات کے پیش نظر مہاراشٹر کے ضلع اورنگ آباد کے دورے پر آئے سماجوادی پارٹی کے ریاستی صدر ابو عاصم اعظمی نے مودی اور امت شاہ پر نکتہ چینی کی۔

اورنگ آباد میں انتخابی مہم کے دوران ابو عاصم اعظمی نے مرکز میں برسراقتدار بی جے پی حکومت پر نکتہ چینی کرتے ہوئے کہا کہ یہ لوگ این آر سی کے نام پر مسلمانوں کو ڈرانے کا کام کر رہے ہیں۔

'ملک کا دستور بدلنے کی سازش جاری ہے، نیا آئین لکھا جارہا ہے تا کہ بابا صاحب امبیڈکر کے دستور کو تبدیل کیا جا سکے' ان باتوں کا اظہار سماجوادی پارٹی کے ریاستی صدر اور رکن اسمبلی ابو عاصم اعظمی نےکیا۔

ابو عاصم اعظمی اورنگ آباد میں سماجوادی پارٹی کے امیدوار کلیم قریشی کے لیے انتخابی مہم میں شرکت کے لیے آئے تھے۔

ابو عاصم اعظمی نے میڈیا سے بات چیت کرتے ہوئے کہا کہ 'ملک میں این آر سی کے نام پر مسلمانوں کو خوفزدہ کرنے کی کوشش کی جارہی ہے جو ناقابل برداشت ہے'۔