اجیت پوار ایوان میں این سی پی کے لیڈر منتخب

نیشنلسٹ کانگریس پارٹی (این سی پی) کی میٹنگ میں اجیت پوار کو ایوان اسمبلی میں قانون ساز پارٹی کا رہنما منتخب کیا گیا۔

این سی پی کے ریاستی صدر جینت پاٹل نے اجلاس میں اجیت پوار کو قانون ساز پارٹی کا رہنما منتخب کرنے کی تجویز پیش کی جس کی تمام نو منتخب ارکان اسمبلی متقفہ طور تائید کی۔

قانون ساز پارٹی کا رہنما منتخب ہونے کے بعد اجیت پوار نے صحافیوں سے گفتگو کرتے ہوئے کہا کہ لوک سبھا انتخابات میں توقع کے مطابق نتائج نہیں آئے تھے لیکن اسمبلی انتخابات میں عوام کی جانب سے ملنے والی حمایت کا خیر مقدم کرتے ہیں۔

بشکریہ ٹویٹر

انہوں نے کہا کہ پارٹی انتخاب میں ہارنے والے امیدواروں کے بارے میں اور ہارنے کے اسباب پر غور خوض کرے گی۔

نومنتخب قانون ساز پارٹی کے رہنما نے کہا کہ ان کی پارٹی بیروزگاری اور کسانوں کے معاملات کو جارحانہ طریقہ سے اٹھائے گی۔

اس کے علاوہ انہوں نے کہا کہ شرد پوار نے چھترپتی شیواجی کے افکار پر صحیح طریقے سے عمل کیا ہے۔